吧枱後記：某天日常嘅專屬感官之旅

好多第一次嚟到 90° Sensory Lab 嘅朋友，推玻璃大們門前大概都會以為我呢個「角落」只係另一個好似辦公室或者班房咁嘅空間（其實班房佈置都有得諗 哈哈），對環境和服務未必有太多期望，甚至只係陪朋友嚟坐下only。但每當客人首次踏入店中時，看到悉心佈置嘅正規吧枱同氛圍時，嗰種眼前一亮嘅驚訝表情同O嘴，總會令我暗自歡喜嘅（奸笑）。

最近有一行四人上嚟短聚。負責預約嗰位客人其實之前只係嚟過一次，離開冇耐就即刻 DM 再次訂位（嗰時個網上 Booking 仲未完善）帶朋友過嚟。見到佢好似半個經理咁，熱心向朋友介紹店中嘅周遭環境同埋各款特色擺設（甚至比我更雀躍 哈哈），我自己都有啲啲唔好意思。唔使一陣間，初次到訪嘅朋友們就已經完全放鬆，融入咗呢個舒適嘅空間。

呢 90 分鐘嘅預約，其實由大家坐低嗰一刻就正式開始。安頓好大家之後，我率先介紹一下當日嘅選擇。或許最引人入勝嘅地方，係我會因應每位客人當下嘅心情、狀態同喜好，即時為大家度身計劃適合當刻嘅專屬餐飲體驗內容。

一如以往，我將整個過程分成前、中、後三個體驗階段，由清爽至濃郁再視乎喜好做一個協調嘅結尾，將風味嘅厚薄層次慢慢推高再撫平，等大家可以喺自己嘅舒適範圍內，全面感受極致嘅風味。例如嗰日有位客人話想一次過試勻茶、啡同酒，我特意為佢安排咗個三部曲：首先以帶有清雅花香嘅水洗藝伎手沖咖啡打頭陣；跟住用一杯口感順滑、帶有楓糖香氣嘅威士忌特調做主角，刺激一下味覺感官；最後再以一杯溫和嘅特色抹茶溫柔地作結。

嗰場聚會，我沖咗好幾款嚟自不同產地（包括咗哥倫比亞、埃塞俄比亞、肯雅、洪都拉斯同埋泰國）嘅咖啡。往往初次接觸我炮製極淺烘手沖嘅朋友，都會被嗰種高平衡度同舒服嘅口感驚喜到。好多時客人飲完都會忍唔住驚歎：「如果唔係一早知，真係唔信淺烘都可以沖出咁順滑嘅口感！」呢啲直接嘅回饋，我相信係令客人們一而再返嚟光顧嘅原因之一。

雖然係 90 分鐘嘅 booking，好多時都會超過呢個時間，因為快樂嘅時光總係過得特別快。每次送大家離開，我最希望客人帶走嘅，唔單止係停留喺舌尖上嘅風味，而係成個令人樂而忘返嘅體驗回憶。

如果你都想暫時放低日常嘅煩囂，透過茶啡飯酒經歷一場專屬嘅感官之旅，期待你嚟到 even0 90° Sensory Lab 吧枱前，等我為你準備一系列未知嘅驚喜。